Ons Liefdesverhaal

Ons liefdes verhaal het begin in April 2024. Op ’n gewone Saterdagaand het ons mekaar raak “geswipe” op Tinder, sonder om te besef dat daardie eenvoudige aksie die begin sou wees van iets besonders.

Mariska se profiel het gelees "Spur of the moment girl". Stephan se eerste boodskap daai selfde Saterdagaand was “Het jy ’n oomblik vir my by die Spur?” So onverwagse boodskappie het ons lewens verander in ’n leeftyd vol kosbare oomblikke.

Net ’n dag later het ons besluit om mekaar in persoon te ontmoet. Van die eerste ontmoeting en glimlag was daar ’n onverklaarbare gevoel van gemak, iets wat tegelyk nuut en bekend gevoel het. Daardie aand het ‘n paar uur saam soos minute laat voel en van toe af het ons nie weer ’n dag apart deurgebring nie.

Wat begin het as ’n toevallige raak “swipe”, het gegroei in ’n liefde wat sag, eerlik en vol lag is. Saam het ons ontdek dat die mooiste dinge in die lewe dikwels onverwags gebeur – en dat die beste stories begin met een eenvoudige “oomblik by die Spur.”